ნანგრევებიდან ქალის ხმა გაიგონეს – სამაშველო ოპერაცია გრძელდება

ბათუმში, 26 მაისის ქუჩაზე ჩამონგრეულ სადარბაზოდან ნანგრევებზე მოყოლილი კიდევ ერთი ხმა გაისმა.

ადგილზე მყოფი „ბათუმელების“ კორესპონდენტის თქმით, ამჯერად გაიგეს ქალის ხმა, რომელიც, მეზობლად მცხოვრები მოქალაქეების თქმით, ამ სადარბაზოში, მეოთხე სართულზე ცხოვრობს. ქალი 2 ბავშვთან ერთად იყო სახლში, როცა სადარბაზო ჩამოინგრა.

მაშველები ასევე კონტაქტზე არიან ნანგრევებში მყოფ კიდევ ერთ ადამიანთან.

სამაშველო ოპერაცია ბათუმში ჩამონგრეულ სადარბაზოსთან 6 საათია მიმდინარეობს, თუმცა ჯერჯერობით არც ერთი ადამიანი არ არის ამოყვანილი ნანგრევებიდან.

ადგილზე დაახლოებით 300 მაშველია მობილიზებული.

batumelebi.netgazeti.ge