მსოფლიოს მასშტაბით ჯამში გაკეთებულია 3.4 მილიარდზე მეტი დოზა SARS-CoV-2 ვაქცინა, რაც შეესაბამება გლობალურად სრულად აცრილი მოსახლეობის თითქმის 23%-ს. ამის შესახებ წერია დაავადებათა კონტროლის ეროვნული ცენტრის მიერ გამოქვეყნებულ კვლევაში, რომელიც კოვიდ-19-ს ეხება.
კვლევაში ასევე აღნიშნულია, რომ COVID-19-ის საწინააღმდეგო ვაქცინები მაღალი ეფექტურობით გამოირჩევა დაინფიცირების შემთხვევაში მძიმე და კრიტიკული მიმდინარეობის წინააღმდეგ და სიკვდილიანობის შემცირების კუთხით.
„ვაქცინაცია ამ დროისათვის წარმოადგენს პანდემიასთან ბრძოლის ყველაზე ეფექტურ იარაღს, რომლის სარგებელიც ბევრად აჭარბებს შესაძლო რისკს. აცრები ქვეყნებს საშუალებას მისცემს დაამარცხონ ეპიდემია. 2020 წლის 8 დეკემბრიდან მოყოლებული, მსოფლიოში ოფიციალურად პირველად გაერთიანებულ სამეფოში ვაქცინაციის პროცესის სტარტიდან, 15 ივლისის ჩათვლით აცრები დაწყებულია ყველა კონტინენტზე – 213 ქვეყანასა და რეგიონში.
ჯამში გაკეთებულია 3.4 მილიარდზე მეტი დოზა SARS-CoV-2 ვაქცინა, რაც შეესაბამება გლობალურად სრულად აცრილი მოსახლეობის თითქმის 23%-ს. ყოველდღიურად საშუალოდ 30.5 მლნ დოზა ვაქცინის ადმინისტრირება ხდება. კონტინენტების მიხედვით მოხმარებული დოზებით აზიაში ადმინისტრირებულია 62.7%, ევროპაში 16.2%, ჩრდილოეთ ამერიკაში 12.9%, სამხრეთ ამერიკაში 6.3%, აფრიკაში 1.6% და ოკეანიაში 0.3%“, – წერია კვლევაში.
აღნიშნული პერიოდისთვის COVID-19-ის საწინააღმდეგო ვაქცინებიდან:
• კვლევის III ფაზაშია – 32 ვაქცინა
• კვლევის II ფაზაშია – 37 ვაქცინა
• კვლევის I ფაზაშია – 53 ვაქცინა
• ავტორიზებულია – 10 ვაქცინა
• ნებადართულია – 8 ვაქცინა
• კვლევა შეწყდა – 5 ვაქცინის შემთხვევაში.
Loading ...
