მოსკოვზე დრონებით თავდასხმა განხორციელდა

რუსეთის დედაქალაქს წუხელ კვლავ უპილოტო საფრენი აპარატებით დაესხნენ თავს, – ამის შესახებ რუსული “ტელეგრამ” არხები იუწყებიან.

ვრცელდება ვიდეო მასალები, სადაც აფეთქებების ხმები ისმის და ჩანს, რომ ბიზნეს ცენტრ “მოსკოვი-სიტის” ერთ-ერთი ცათამბჯენიდან კვამლი ამოდის.

მოსკოვის მერმა, სერგეი სობიანინმა განაცხადა, რომ რუსეთის საჰაერო თავდაცვამ მოსკოვზე თავდასხმის მცდელობისას რამდენიმე დრონი ჩამოაგდო, თუმცა ერთი უპილოტო საფრენი აპარატი “მოსკოვი-სიტის” ერთ-ერთ ცათამბჯენს დაეჯახა და ფასადი დააზიანა.

ეს ბოლო ათ დღეში დრონების მოსკოვზე თავდასხმის მეოთხე შემთხვევაა.