მოსახლეობის რამდენი პროცენტი უნდა აიცრას, რომ საქართველოში საზოგადოებრივი იმუნიტეტი ამუშავდეს

დაავადებათა კონტროლის ეროვნული ცენტრის დირექტორის, ამირან გამყრელიძის თქმით, იმისთვის რომ ქვეყანაში საზოგადოებრივი იმუნიტეტი გამომუშავდეს, მოსახლეობის 50-60% უნდა აიცრას. მისივე თქმით, მათ შორის ქვეყანა COVAX-პლატფორმის საშუალებით შემოტანილი ვაქცინით მხოლოდ მოსახლეობის 20%-ს აცრის.

“COVAX-ით ჩვენ ავცრით 20%-ს, დამატებით უნდა შეისყიდოს ქვეყანამ კიდევ საკმაოდ დიდი დოზები ვაქცინის გარდა COVAX-ისა, მინიმალური იქნება 50%-დან 60% მოსახლეობის აცრა, რომ ჩვენ საზოგადოებრივი (ჯოგური) იმუნიტეტი გამომუშავდეს. 

საქართველოში უკვე, დაახლოებით, 220 000-ს გადატანილ-დადასტურებული აქვს ოფიციალურად ეს ინფექცია, მაგრამ გათვლებით, დაახლოებით ორჯერ მეტია, ანუ ჩვენთან ინფექცია გადატანილი აქვს სადღაც მოსახლეობის 15%-ს, მარტის ბოლოსთვის ეს პროცენტი უფრო მაღალი იქნება”. – თქვა გამყრელიძემ ფორმულას ეთერში.