ოზურგეთის საკრებულოს სხდომა ტრადიციულად ხმაურით დაიწყო. ხელისუფლების და ოპოზიციის წევრები ერთმანეთს სიტყვიერად დაუპირისპირდნენ. კამათი ოპოზიციონერი დეპუტატის თათია ნიკოლაშვილის შეკითხვებს მოყვა, რომელიც ოზურგეთის რაგბის სტადიონის სავალალო მდგომარეობას ეხებოდა. როგორც ნიკოლაშვილმა თქვა, რაგბის სტადიონის მოწესრიგებასთან დაკავშირებით არჩილ თალაკვაძე დაპირებებს ჯერ კიდევ 2017 წლიდან სცემდა, თალაკვაძე ასევე კავშირის საპატიო პრეზიდენტია, მაგრამ ვითარება სტადიონზე კვლავ უცვლელი რჩება. ოპოზიციამ დასვა კითხვები მრავალბინიანი სახლების ინფრასტრუქტურულ მოწესრიგებასთან დაკავშირებითაც. უმრავლესობის განცხადებით, პროექტების დიდ ნაწილს ოზურგეთის წინა მერი აფერხებდა, ამჟამად კი სხვადასხვა მოსამზადებელი სამუშაოები მიმდინარეობს და რაგბის სტადიონი ერთ წელიწადში რეაბილიტირდება. აღნიშნულ საკითხს კამათი და სიტყვიერი შეურაცხყოფა მოჰყვა. ნაციონალური მოძრაობის წევრმა შალვა თავდიშვილმა ოზურგეთის მერის მოადგილეს მონა უწოდა. – ივანიშვილის მონები არიან თალაკვაძეები, შენ კი მათი მონა ხარ. პირდაპირი მონაც არ ხარ, მონის მონა ხარ. თავის მხრივ, ღურჯუმელიძემ თავდიშვილს უზრდელი და ხელის ბიჭი უწოდა.
Loading ...