“კუბოს მსგავსი ჯართის გროვა”-ოპოზიცია ოზურგეთის ცენტრალური მოედნის რეაბილიტაციას აპროტესტებს

ოზურგეთის მუნიციპალიტეტის საკრებულო ტრადიციულად ხმაურითა და ურთიერთდაპირისპირებით დაიწყო. დეპუტატმა “ერთიანი ნაციონალური მოძრაობიდან” დავით მჟავანაძემ ოზურგეთის ცენტრალური მოედნის რეაბილიტაციის მიმდინარე პროექტის იერსახე გააპროტესტა და იქ განთავსებულ საყვავილეებს “კუბოები” უწოდა. ამსახველი ფოტოები კი სააქტო დარბაზში გამოფინა. მისი თქმით, აღნიშნული საყვავილეების დიზაინს საზოგადოების დიდი ნაწილი აპროტესტებს და 2 მილიონი, რომელიც ევროკავშირის გრანტიდან ამ მოედნისა და პარკის რეაბილიტაციისთვის იყო განკუთვნილი, არამიზნობრივად და უგემოვნოდ შესრულებულ სამუშაოებში დაიხარჯა. ოპოზიციის თქმით, ხელისუფლების მთავარი მიზანი იყო წინა მთავრობის დროს რეაბილიტირებული მოედანი მათი გაკეთებული პროექტით შეეცვალათ. ნაციონალური მოძრაობის პროტესტს უმრავლესობის ტრადიციული რეაქცია მოჰყვა. ქართული ოცნების დეპუტატებმა ოპოზიციას მოღალატეები, ომის პარტიის წევრები და მკვლელები უწოდეს. უმრავლესობის განცხადებით, საზოგადოების მხრიდან ჯანსაღი და ობიექტური კრიტიკის შემთხვევაში, პროექტის დაკორექტირება შესაძლებელია. საბოლოო ჯამში, ერთიანმა ნაციონალურმა მოძრაობამ სხდომა პროტესტის ნიშნად დატოვა.

,,ევროკავშირის გრანტით ოზურგეთის თეატრის მიმდებარე ტერიტორის რეაბილიტაციისთვის დაიხარჯა 2 მილიონ ლარზე მეტი. ყველაზე სამწუხარო ფაქტი ამ ყველაფერში ის არის, რომ ეს თანხა ფაქტიურად წყალში გადაყარეს. მოიტანეს სიმახინჯე და დადგეს . ერთადერთი მიზეზი რის გამოც იქ პროექტი განახორციელეს იყო ის, რომ წინა ხელისუფლების დროს გაკეთებული სკვერი, უნდა ამოეძირკვათ , როგორ შეიძლება ,,ნაციონალურ მოძრაობას“ უაკვშირდებოდეს ქალაქის ცენტრში რამე? გაცილებით მაგარი რაღაც უნდა ვაკეთოთ და ეს მაგარი რაც არის უკვე ვნახეთ . ქალაქის ცენტრში მოიტანეს პირდაპირ კუბოს მსგავსი ჯართის გროვა და მიმტკიცებენ, რომ წინა პროექტი იმიტომ დავანგრიეთ, ეს უფრო მაგარიაო . თუ არ მოგვწონს რაღაც, ჩვენ ვყოფილვართ მტრები და ის კუბოები რაც დაყარეს ქალაქის ცენტრში პატრიოტიზმი ყოფილა . ადრეც ვთქვი, რომ არ დაენგრიათ ის , რაც ლამაზი იყო , მითხრეს რომ უფრო მაგარ რაღაცას გააკეთებდნენ. არავის არ მოსწონს ის, რა სიმახინჯეც მოაწყვეს, აუცილებლად უნდა აიღონ, უნდა მოაშორონ ჯართის გროვა იქიდან ,“- განაცხდა საკრებულოს წვრმა ,,ნაციონალური მოძრაობიდან“ დავით მჟავანაძემ.

,,დესტრუქციული პოლიტიკური ძალა თავის ჩვეულ რეჟიმს არ ღალატობს და ცდილობს არეულობა შემოიტანოს საკრებულოს სხდომაზე , ეს არ არის პირველი შემთხვევა , როდესაც ისინი პრექტებს და განვითარებას ებრძვიან და მაშინ როდესაც ჩვენ ვიხილავთ ქალაქის მდგრადი განვიტარების საკითხებს ისინი ტოვებენ სხდომას, ხმაურით ცდილობენ რომ ჩაშალონ და ხელი შეუშალონ სამუშაო პროცესს. საზოგადოების მხრიდან ამ საკითხზე იყო მოსაზრებები და ჩვენ ამ საკითხს დავუბრუნდებით რა თქმა უნდა , მივიღებთ იმ ობიექტურ შენიშვნებს რომელიც ამ პროექტის ირგვლივ შეიძლება არსებობდეს ,“- განაცხდა ოზურგეთის მერის მოადგილე გიორგი ღურჯუმელიძემ