მკაცრდება თუ არა გურიის რეგიონში ზომები – რა განცხადებას აკეთებს გუბერნატორი

დღეს კორონავირუსთან ბრძოლის საწინააღმდეგო შტაბის მორიგი სხდომა გაიმართა. როგორც გაირკვა, გურიის რეგიონში ეპიდსიტუაციასთან დაკავშირებული ზომები კვლავ იგივე რჩება და რეგიონში ღონისძიებების გამკაცრება არ იგეგმება. ლანჩხუთის მუნიციპალიტეტის სამ სოფელში ნიგვზიანში, ჩოჩხათსა და ნიგოითში, ასევე, ოზურგეთის მუნიციპალიტეტის სოფელ შრომაში თერმოსკრინინგი მიმდინარეობს. აღნიშნულ ლოკაციებზე მიმდინარეობს მოსახლეობის მასობრივი ტესტირებაც, როგორც კარდაკარის პრინციპით, ასევე სოფლების შესასვლელებთან მოწყობილ ბლოგ-პოსტებზე.

აღსანიშნავია, რომ ოზურგეთის მუნიციპალიტეტის სოფელ შრომაში, რომელიც ამ დრომდე რეგიონში ყველაზე ცხელი წერტილი იყო, ბოლო 24 საათში ვირუსის დადებითი შემთხვევა არ გამოვლენილა.

გასული დღე-ღამის განმავლობაში გურიის რეგიონში კი დაინფიცირების 15 შემთხვევა დაფიქსირდა: ოზურგეთი-4, ლანჩხუთი-11, ჩოხატაური-0. ჯამში, რეგიონში 246 კოვიდდადებითი პაციენტია, თვითიზოლაციაში იმყოფება 507 ადამიანი.

კომენტარები