საქართველოს მესამე პრეზიდენტი, მიხეილ სააკაშვილი, სავარაუდოდ, გორის ჰოსპიტლიდან გადაიყვანეს. უცნობია, სად გადაჰყავთ მესამე პრეზიდენტი.
იუსტიციის სამინისტროს და პენიტენციურ სამსახურს ამ დრომდე ოფიციალური კომენტარი არ გაუკეთებიათ.
სააკაშვილის გადაყვანის შესახებ ინფორმაცია გაავრცელა მისმა ადვოკატმა, ნიკა გვარამიამაც:
“მიხეილ სააკაშვილი გორის ჰოსპიტალიდან გაიტაცეს. მიმართულება – უცნობია. მისი მდგომარეობა – უცნობია”, – წერს გვარამია facebook-ზე.
რამდენიმე საათის წინ ის ომბუდსმენის წარმომადგენელმა მოინახულა. გორის ჰოსპიტლის დატოვების შემდეგ საბა ბრაჭველმა თქვა, რომ 27 დეკემბერს სააკაშვილის ახალ დიაგნოზი დაუსვეს. მან დიაგნოზი არ გაახმაურა და თქვა, რომ სახალხო დამცველის აპარატს სურს, რომ მისი კონსილიუმის წევრებმაც შეაფასონ პაციენტის მდგომარეობა და დადონ დასკვნა პაციენტის საჭიროებების შესახებ.
Loading ...