გასვლითი სხდომის ჩატარების შუამდგომლობა ბრალდების მხარემ დააყენა. როგორც პროკურორმა ლევან ვეფხვაძემ განმარტა, კლინიკიდან ცნობა იყო წარმოდგენილი, სადა. განმარტებულია, რომ მიხეილ სააკაშვილს სისუსტე კვლავ აღენიშნება, თუმცა, მედიკოსები რეკომენდაციას გასცემენ, რომ მათი მეთვალყურეობის ქვეშ ყოფილ პრეზიდენტს ჩვენების მიცემა შეუძლია.
მოსამართლე ნინო ჩახნაშვილმა აღნიშნული შუამდგომლობა დააკმაყოფილა და რამდენიმე წუთში, მხარეები უკვე კლინიკა “ვივამედში” მივლენ.
უცნობია, მისცემს თუ არა სააკაშვილი საქართველოს სახელმწიფო საზღვრის უკანონო კვეთასთან დაკავშირებით ჩვენებას.
შეგახსენებთ, რომ მიხეილ სააკაშვილის მიერ საზღვრის უკანონო კვეთის ფაქტთან დაკავშირებით გამოძიება გასული წლის პირველ ოქტომბერს დაიწყო. აღნიშნული საქმის ფარგლებში ბრალდება კიდევ 4 პირს – ელგუჯა ცომაიას, ზურაბ და შალვა წოწორიებსა და გიორგი ნარიმანიძეს აქვთ წაყენებული და ის ცალკე წარმოებად მიმდინარეობს.
აღნიშნული პირები ბრალს აღიარებენ.
Loading ...
