მიწის მასის ჩამოშლის გამო, თბილისი-ზუგდიდის სამგზავრო ავტობუსი ავარიაში მოყვა

თბილისიდან ზუგდიდში მიმავალი ავტობუსი რიკოთის უღელტეხილზე ავარიაში მოყვა. ცნობილია, რომ ერთ-ერთ მონაკვეთზე მიწის მასა ჩამოიშალა და ტრანსპორტი დააზიანა. ავტობუსის მძღოლი და მგზავრები ამბობენ, რომ ეს სავარაუდოდ უამინდობამ და უხარისხოდ გაკეთებულმა ჯებირმა გამოიწვია.

ისინი პრეტენზიას გამოთქვამენ საავტომობილო გზების დეპარტამენტთან დაკავშირებით და ამბობენ, რომ  რამდენიმე ადამიანის სიცოცხლეს საფრთხე შეუქმნა.

შემთხვევის შედეგად 1 პირი მსუბუქად დაშავდა.

ცნობილი ხდება, რომ შემთხვევის გამო, თბილისიდან სხვა ავტობუსი გამოიძახეს და მგზავრები, ამ დროისთვის, ზუგდიდში უსაფრთხოდ გადაჰყავთ.

www.mtavari.tv