სიცოცხლისთვის მებრძოლი ცხოველები

მიუხედავად იმისა, რომ სამყარო განვითარდა, თითქოს სიღარიბის მაჩვენებელიც შემცირდა, გარეთ, თითქმის ყველა ქუჩაზე შევხვდებით უსახლკარო ცხოველებს, განსაკუთრებით ძაღლებს. ხშირად გადავაწყდებით ლეკვებსაც.

წესით, აქ კითხვა უნდა გაგვიჩნდეს.

ვინ კვებავს მათ? ვინ ზრუნავს მიუსაფარი ცხოველების უსაფრთხოებაზე?

პასუხი მარტივია. მოხალისეები.

რა თქმა უნდა, მიუსაფარ ძაღლებზე თავიანთი ფინანსებით ზრუნავენ. ცხოველები, როგორც ქუჩებში, ისე ქალაქების დამაკავშირებელ გზებზე გვხვდება. ნიკოლოზ რუსიეშვილის თხოვნით, მანქანით მოძრაობის დროს, განსაკუთერებით მაშინ, როცა ქალაქიდან გადიხართ, თან პური იქონიეთ და ოთხფეხა მეგობრების სიცოცხლის შესანარჩუნებლად სხვა მოხალისეებთან ერთად იბრძოლეთ.

ერთჯერადი, იშვიათი გასვლები აქტიურ მოხალისეებს დიდს არაფერს მოუტანს, მაგრამ თუკი, თითოეული ჩვენგანი ეცდება შემხვედრი მიუსაფარი ცხოველი დააპუროს, თუნდაც ერთი, ეს ყველასთვის დიდი შვება და ბედნიერება იქნება.

ასწავლეთ შვილებს სიყვარული და სიკეთე. არ უთხრათ, რომ ასე მოიქცნენ. თქვენივე საქციელით აჩვენეთ მშობლის პოზიცია და ისინიც დაუყოვნებლივ გაიმეორებენ.

ძაღლები ჩვენი საუკეთესო მეგობრები არიან და მათზე ზრუნვა ყველას ვალია!

ნიკოლოზ რუსიეშვილთან, ოზურგეთის ერთ-ერთ საკმაოდ აქტიურ მოხალისესთან დაკავშირება გადავწყვიტე ამ თემაზე ვრცელი ინფორმაციის გასაგებად.

აღმოჩნდა, რომ თითოეულ გასვლაზე იზრდება მიუსაფართა რაოდენობა და საგრძნობლად შესამჩნევია სხვა რაიონის ბირკებიც.

აღსანიშნავია ადამიანთა უმეტესი ნაწილის აგრესია, რომელიც დღემდე გრძელდება, თუმცა ბევრად დიდი პროგრესია იმასთან შედარებით, რაც იყო წლების წინ. ახლა ნაწილობრივ იაზრებენ, რომ ცხოველებიც ცოცხალი არსებები არიან და ისინიც იმსახურებენ კარგად მოპყრობას.  ეს მოყვარულ-აქტივისტების დამსახურებაა, რადგან ადამიანები მათ ხშირად ხედავენ, ცოდნაც ღრმავდება, წინააღმდეგობას ვეღარ უწევენ, ეგუებიან და იაზრებენ კიდეც.

უსახლკაროების შესამცირებლად მსოფლიოში შემუშავებული ერთადერთი აპრობირებული და ჰუმანური მეთოდი კასტრაცია/სტერილიზაციაა. ეს უნდა მოხდეს მასობივრად კანონთან ერთად, კომპანიონ ცხოველთა კეთილდღეობის შესახებ, რომ მივიღოთ საბოლოო შედეგი. სტერილიზაცია ყველაზე მნიშვნელოვანია.

ოზურგეთში რამდენიმე აქტივისტი და მოყვარულია გაერთიანებული და ყველა იმდენს აკეთებს რამდენიც შეუძლია. თან ერთად, ხან ცალ-ცალკე, მაგრამ, რომ არა ერთიანობა, ცალ-ცალკე გაგვიჭირდებოდაო, აღნიშნა საუბრის დროს ნიკოლოზმა.  ცხოველები სტერილიზაციებზე დაჰყავთ და მაქსიმალურად იყენებენ შესაძლებლობებს.

ადამიანთა უმეტესობასთან საუბარს აზრი არ აქვს, მაგრამ ნაწილმა გაიაზრა არსებული სიტუაცია და პრობლემები. ახალი თაობა სულ სხვა კუთხითაა განწყობილი, ახორციელებენ პროექტებს, აქვთ გასვლები.

ერთ-ერთი პროექტი უსახლკარო ცხოველების გამოსაკვებად ორგანიზაციის-“გაბედე დაეხმაროს” ფარგლებში ჩატარდა. როგორც შევიტყვე საკმაოდ მასშტაბურიც.

გადავწყვიტე, რამდენიმე წარმომადგენელს გავსაუბრებოდი და მათი ემოციების შესახებ მომესმინა.

“უამარავი რამაა, რაც მაბედნიერებს, მაგრამ გამორჩეულად მიყვარს სიკეთის კეთება – ძაღლების გამოკვება, მათზე ზრუნვა და შეძლებისდგავრად დახმარება. ყოველთვის ვცდილობ საზოგადეობისთვისაც ისეთივე მნიშველოვანი გავხადო  ეს თემა, როგორიც ჩემთვისაა… თანამოქალაქეებს მოვუწოდებ გამოიჩინონ ყურადღება მიუსაფარი ძაღლების მიმართ, შემოგვიერთდნენ და ერთად ვაკეთოთ სიკეთე.” – გვიყვება საბა ჩაჩუა.

ანი თავდიშვილი

“როცა ცხოველებს ვეხმარები, განსაკუთრებით ძაღლებს, ყველაზე მეტად ბედნიერი ამ მომენტში ვარ, რადგან საუკეთესოდ შეუძლიათ მადლიერების გამოხატვა, ადამიანებისგან განსხვავებით. ცხოვრების ბოლომდე დაგიმახსოვრებენ იმ ელემენტარულ სიკეთეს რაც მათ გაუკეთე და ყოველთვის გიცნობენ და დაგიცავენ როცა შეგხვდებიან.”- გვითხრა ანიმ, რომელიც ცხოველებისადმი განსაკუთრებული სიყვარულის გამოხატვით გამოირჩევა.

იმასაც მოგახსენებთ, რომ facebook-ზე არსებობს ჯგუფი “ოზურგეთის მიუსაფარი ცხოველები”, რომელშიც გაერთიანებულია უამრავი ადამიანი და მათ ოთხფეხა მეგობრების სიყვარული აერთიანებთ. შენც გელოდებიან.

და ბოლოს, ნიკოლოზის მიმართვა საზოგადოებას: – “ვფიქრობ, რომ ადამიანები, ეს საზოგადოების შექმნილი პრობლემაა და ჩვენ ყველა ერთად უნდა გავერთიანდეთ, რომ მოვითხოვოთ კანონი და არ გაამრავლოთ, არ გადააგდოთ, როგორც ნივთი. დაფიქრდით, რამხელა პასუხისმგებლობაა ცოცხალი არსების აყვანა და მოვლა. გთხოვთ, დაფიქრდით, თუ გვინდა, რომ მალე დადებითი შედეგი დაიდოს.

სამწუხაროდ, ძალიან დიდი პრობლემაა გაჩუქებაც, რადგან არის დიდი რაოდენობა, ასევე ადამიანების უმეტესობა ყიდულობს და უნდათ მხოლოდ ჯიშიანი ცხოველი. ჯიშს არანაირი მნიშვნელობა არ აქვს, ყველა ერთია. თუ გიყვარს ყველანაირი უნდა გიყვარდეს. აიყვანე, არ იყიდო!”

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა

რეპორტიორმა ლალი ცეცხლაძემ  მოამზადა.

Funded through the Alumni Grants Program, U.S. Embassy in Georgia/დაფინასებულია საქართველოში აშშ-ის საელჩოს ალუმნი საგრანტო პროგრამის ფარგლებში