მთავრობა სამხედრო სავალდებულო სამსახურის მხოლოდ თავდაცვის სამინისტროში გავლაზე ფიქრობს

საქართველოს მთავრობის მოხსენების მიხედვით, არსებობს ახლებური ხედვა, რომლის მიხედვითაც, წვევამდელებს სამხედრო სავალდებულო სამსახურის გავლა მხოლოდ თავდაცვის სამინისტროს სისტემაში მოუწევთ. პროექტის შესახებ დეტალები დოკუმენტში გაწერილი არ არის და რადიო თავისუფლებამ ვერც თავდაცვის სამინისტროს პრესსამსახურიდან მიიღო. 

“ამ ცვლილებების ინიცირება იგეგმება თავდაცვის კოდექსის პროექტის ფარგლებში. პროექტის თანახმად, სავალდებულო სამხედრო სამსახურის გავლა შესაძლებელი იქნება მხოლოდ თავდაცვის სამინისტროში”, – ვკითხულობთ მოხსენებაში.

სახელმწიფო სამხედრო სავალდებულო სამსახურში ყოველწიურად რამდენიმე ათას ახალგაზრდა იწვევს. მაგალითად, მხოლოდ საგაზაფხულო გაწვევისთვის 2020 წელს 4 189 ადგილი არსებობდა, საიდანაც, დაახლოებით, მესამედი (1,4 ათასი) თავდაცვის სამინისტროს კვოტა იყო, დანარჩენი კი შინაგან საქმეთა სამინისტროს, პენიტენციური სამსახურისა და სახელმწიფო უსაფრთხოების სამსახურისთვის შეარჩიეს.

www.radiotavisupleba.ge