”მერცხალის” 3-1 და შენარჩუნებული ადგილი მეოთხე ლიგაში

ოზურგეთის ‘’მერცხალმა’’ გუშინ  ‘’სამგურალი 2’ დაამარცხა და საქართველოს საფეხბურთო ჩემპიონატის მეოთხე ლიგაში ადგილი შეინარჩუნა.

მატჩი, რომელიც ოზურგეთის სტადიონზე გაიმართა, მერცხალისთვის ადგილის შესანარჩუნებლად გადამწყვეტი მნიშვნელობის იყო. თამაშში პირველად სტუმრები დაწინაურდნენ და პირველი ტაიმი მათივე გამარჯვებით დასრულდა. თუმცა მომდევნო ტაიმში, 52-ე წუთზე დავით ბოლქვაძემ ანგარიში გაათანაბრა. მომდევნო წუთებში  ”მერცხალმა” კიდევ ორი გოლი გაიტანა და საბოლოოდ დამაჯერებელი ანგარიშით 3:1 მეოთხე ლიგაში ადგილი შეინარჩუნა. მომდევნო სეზონისთვის კი გუნდი უკვე მესამე ლიგისთვის იბრძოლებს.