დღევანდელ შეხვედრაზე, რომელიც ადგილობრივმა სამოქალაქო ორგანიზაციებმა გამართეს და ოზურგეთის მდინარეებიდან ქვიშა–ხრეშის მოპოვების საკითხს ეხებოდა, ოზურგეთის მუნიციპალიტეტის მერის წარმომადგენელმა სოფელ ძიმითში, გელა სალუქვაძემ განაცხადა, რომ სოფელ ძიმითში მდინარე სუფსიდან ინერტული მასალების მოპოვების და გზებზე მძიმეწონიანი მანქანების გადაადგილების გამო სერიოზული პრობლემებია. როგორც სოფლის რწმუნებული ამბობს, მოსახლეობა კონსტანტინე შარაშენიძის მიმართ უკმაყოფილებას გამოთქვამენ და მისგან მეტ ყურადღებას ითხოვენ.
”მდინარე სუფსიდან ქვიშა–ხრეშის მოპოვებამ 120 ოჯახს დაუზიანა საკარმიდამო ფართობები. ხალხი მოითხოვს, რომ ინერტული მასალები ზომიერად იყოს ამოღებული და კომპანიებმა საქმიანობა კანონის ფარგლებში განახორციელონ. რათა მდინარემ კიდევ არ იცვალოს კალაპოტი და საკარმიდამო ნაკვეთები კიდევ არ დააზიანოს. უკვე სახლებიც დაზიანებულია და საფრთხე კვლავ არსებობს. ხალხი ძალიან უკმაყოფილოა, ამბობენ, რომ ხალხის არჩეულმა მერმა ცოტა ყურადღება მოგვაქციოსო. ეს არის ხალხის აზრი, მთხოვეს რომ მათი პოზიცია გამეჟღერებინა.” – განაცხადა გელა სალუქვაძემ.
ვრცლად იხილეთ ბმულზე.
Loading ...
