გუშინ გარემოსდაცვითი ორგანიზაცია “ეკოსა” და კომპანია “კავკაზ ცემენტ ჯორჯიას” წარმომადგენლები პოლიციაში, გამოკითხვაზე იმყოფებოდნენ. “ეკოს” დამფუძნებლის ირმა გორდელაძის თქმით, პოლიციას მას შემდეგ მიმართა, რაც ორგანიზაციამ შენიშნა, რომ მდინარე აჭისწყლის ხეობიდან კომპანია “კავკაზ ცემენტ ჯორჯიას” კვლავ გაჰქონდა დასაწყობებული ინერტული მასალა. აღნიშნულ ფაქტს ორგანიზაცია დაუშვებლად მიიჩნევს, ვინაიდან კომპანიის ლიცენზია აჭისწყალზე სასამართლოს ძალით არის შეჩერებული გამოძიების დასრულებამდე. შეგახსენებთ, რომ სოფელ ლიხაურის მცხოვრებლებმა კარიერული წარმოების წინააღმდეგ არაერთი საპროტესტო გამოსვლა გამართეს და საბოლოოდ, “ეკოსთან” ერთად სასამართლოსაც მიმართეს. აქაური მცხოვრებლები აჭიწყლის უნიკალური ხეობის დასაცავად დიდი ხანია იბრძვიან. საბოლოოდ, ლიხაურმა და “ეკო”-მ სარჩელი შეიტანა სასამართლოში. სასამართლოს გადაწყვეტილებით კი კომპანიის ლიცენზია აღნიშნულ მდინარეზე გამოძიების დასრულებამდე შეჩერებული იყო.
Loading ...