კურორტ გომისმთაზე ახალგაზრდების საპოვნელად სამაშველო სამუშაოები გრძელდება. ამ დროის ინფორმაციით მაშველები ფეხით გადაადგილდებიან, რადგან ტექნიკით მოძრაობა აღნიშნულ მონაკვეთზე ჭირს. როგორც მაშველები ამბობენ ახალგაზრდების ხმა უკვე გაიგონეს და შესაბამისად ინციდენტის ადგილთან ახლოს არიან.
ახალგაზრდების ჩამოყვანას გომისმთის ასასვლელთან ათეულობით ავტომობილით ელოდებიან ახლობლები, მეზობლები, სოფლის დეპუტატი და გამგებელი. ადგილზე იმყოფება გურიის გუბერნატორი.
შეგახსენებთ, რომ დღეს დილით 112-ში ახალგაზრდა მამაკაცმა დარეკა, რომელიც შველას ითხოვდა. ოთხი ბოხვაურელი ახალგაზრდა გუშინ გომისმთაზე სანადიროდ წავიდნენ, მაგრამ ქარბუქში მოხვდნენ. წინასწარი ინფორმაციით დაღუპულია ერთი ახალგაზრდა მამაკაცი. ორის მდგომარეობა კი მძიმეა.
კომენტარები
Loading ...