მარნეულში, არასრულწლოვანი, 50-ზე მეტი მიყენებული ჭრილობით იპოვეს

მარნეულის სოფელ ზემო ყულარში, იპოვეს არასრულწლოვანი რომელსაც, 50 ზე მეტი ჭრილობა აქვს მიყენებული. შემთხვევა 10 ივლისს მოხდა, თუმცა, როგორც რადიო “მარნეულს” დაზარალებულთან დაახლოებული პირები უყვებიან, ბავშვის პოვნა რამდენიმე საათის წინ მოხერხდა.

მოზარდი მარნეულის ერთ-ერთ კლინიკაშია გადაყვანილი და რეანიმაციაში იმყოფება.

“ფორმულას” ინფორმაციით, შსს-ში განაცხადეს, რომ აღნიშნულ ფაქტზე დაკავებულია 1 ადამიანი.
მომხდარზე გამოძიება სისხლის სამართლის კოდექსის 19-109-ე მუხლით მიმდინარეობს, რაც დამამძიმებელ გარემოებებში მკვლელობის მცდელობას გულისხმობს.