ყველა ბავშვი, რომელიც ინფექციურ საავადმყოფოშია მოთავსებული, ე. წ.ქობულეთის კლასტერია, – ამის შესახებ ინფექციური საავადმყოფოს სამედიცინო დირექტორის, მარინა ეზუგბაიამ ჟურნალისტებს განუცხადა. მისივე ინფორმაციით, ინფექციურ საავადმყოფოში კორონავირუსით ინფიცირებული სულ ექვსი ბავშვია მოთავსებული და მათი ჯანმრთელობის მდგომარეობა არ არის რთული. ეზუგბაიას განცხადებით, გუშინ ღამით ინფექციურ საავადმყოფოში კიდევ ერთი ახალი პაციენტი – 6 წლის ბავშვი – შეიყვანეს.
„დღეს 30 დამატებული შემთხვევა გაქვს. გუშინ დილასთან შედარებით, ჯამში 34 ახალი დადასტურებული შემთხვევა, სულ 370 დაინფიცირებული გვყავს. ამ 370-დან ჩვენი ცენტრის პაციენტია 90. გუშინ, დღე-ღამის განმავლობაში ჯამში 5 გამოჯანმრთელებული შემთხვევა შემოგვემატა. დღეს დლისთვის 77 პირი გამოჯანმრთელებულია, აქედან 50 ჩვენი ცენტრის გამოჯანმრთელებული პაციენტია. ამ მონაცემების შეჯერებით, თუკი გამოჯანმრთელებულებს გამოვაკლებთ, კოვიდის ცენტრებში 293 პაციენტი მკურნალობს. ჩვენ დადასტურებული 39 პაციენტი გვიწევს, გუშინ 38 გვყავდა და გვიან ღამით ერთი პაციენტი, ერთ-ერთი ოჯახის წევრი 6 წლის ბავშვი შემოგვემატა.
ჩვენს ცენტრში 6 ბავშვი მკურნალობს, მათი მდგომარეობა რთული არ არის. ამ ეტაპზე სტაბილური სიტუაციაა, დაავადების პროგრესირება არ შეინიშნება. ყველა ბავშვი, რომელიც ჩვენ მივიღეთ, ქობულეთის კლასტერია.
კრიტიკული პაციენტი 2 გვყავდა და მათი მდგომარეობა სტაბილურია, პროგრესირება აღარ შეიმჩნევა, აქედან გამომდინარე, რამდენიმე დღეში შეგვიძლია ვთქვათ, რომ გამოჯანმრთელებისკენ გვექნება სიტუაცია. დღეს 6 ადამიანთან ველოდებით პასუხს“, – განაცხადა ეზუგბაიამ.
Loading ...