გიორგი შუკაკიძისა და მარიამ მამარდაშვილის ოჯახი ინტერნეტ სივრცეში საკმაოდ პოპულარულია. წყვილი ოზურგეთის მუნიციპალიტეტის სოფელ ნატანებში ცხოვრობს. მარიამისა და გიორგის წყვილი “ტიკტოკ” პლატფორმიდან გახდა, სადაც ისინი მაყურებელს სახალისო ვიდეოებს სთავაზობენ. წყვილის ვიდეოებს ამჟამად ორ მილიონზე მეტი მოწონება აქვს.
მარიამი: მე და გიორგიმ ერთმანეთი 12 წლის წინ ზესტაფონში გავიცანით და გაცნობიდან 1 თვეში ვიქორწინეთ. ძალიან კარგი ურთიერთობა გვაქვს. სოციალურად დაუცველები ვართ,სახლში არც დედა და არც მამა გვყავს. 5 შვილს მარტო ვზრდით. თავიდან ‘’ტიკტოკზე’’ ვიდეოების დადება გიორგიმ დაიწყო გასართობად და შემდეგ მეც შევუერთდი ბავშვებთან ერთად.
როგორც წყვილი ამბობს, საზოგადოების მხრიდან თავიდან მათ მიმართ უარყოფითი დამოკიდებულება წამოვიდა, რასაც ძალიან განიცდიდნენ, მაგრამ მაყურებლის განწყობა მალევე შეიცვალა და გიორგის და მარიამის წყვილი ყველას ძალიან შეუყვარდა. მიუხედავად უკიდურესი გაჭირვებისა, ცოლ-ქმარს მაყურებლისთვის დახმარება არასდროს უთხოვნია. ‘’ტიკტოკის’’ მომხმარებლებმა თავად გამოთქვეს დახმარების სურვილი.
მარიამი: თუ ვინმე რამეს გვირიცხავს, ვცდილობთ სახლში რაღაც გავაკეთოთ და ბავშვებს ელემენტარული პირობები შევუქმნათ. ცოტა ხნის წინ გულშემატკივრების დახმარებით გიორგიმ მანქანის ყიდვა შეძლო და ბედნიერმა, ახალი მანქანის ფონზე ყველას მადლობა გადაუხადა.
მარიამი და გიორგი მაყურებლის გახალისებას და საზოგადოებისთვის დადებითი განწყობის შექმნას მომავალშიც აქტიურად გეგმავენ. წყვილს არაერთი ორიგინალური იდეა აქვს და როგორც ამბობენ, მათგან საინტერესო და სახალისო ვიდეოებს მაყურებელი მომავალშიც არაერთხელ იხილავს.
@george_george24♬ original sound – Nataberdzenishvili
ავტორი: დიკო მუჯირი
მასალა მომზადებულია პროექტის “განათლებული, პროფესიონალი კადრები რეგიონული მედიის გაძლიერებისთვის” ფარგლებში.
Loading ...
