„ადრე ძალიან მარტივი იყო წყაროების და კლასტერების დასახელება, მაგრამ უკვე საკმაოდ ბევრია და ჩვენ თითოეული მათგანის გარჩევის საშუალება ფიზიკურად აღარ გვაქვს“ – უთხრა ჟურნალისტებს ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარემ მაკა სოლოღაშვილმა. მან დასძინა – ჩვენთვის პაციენტი პაციენტია. წყაროების დადგენაზე მუშაობა კი ალბათ სხვა სტრუქტურების საქმეაო. მისივე ინფორმაციით, 4 აპრილს ბოჭორიშვილის კლინიკაში მოთავსებულ კიდევ 4 პაციენტს ჩაუტარდება ტესტირება და მათი პასუხები ხვალ გახდება ცნობილი.
საქართველოში კორონავირუსით ინფიცირების შემთხვევათა რაოდენობა ერთით გაიზარდა და 156 შეადგინა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.
კარანტინის რეჟიმშია 5526 ადამიანი, ხოლო სტაციონარში მეთვალყურეობის ქვეშ – 344 პირი.
ინფორმაციისთვის, 156 ადამიანიდან 28 გამოჯანმრთელებულია.
Loading ...