“მაიმუნის ყვავილი” – ევროპაში ახალი დაავადების გავრცელების გამო ჯანმო საგანგებო სხდომას იწვევს

ჯანდაცვის მსოფლიო ორგანიზაცია (WHO) აპირებს საგანგებო შეხვედრის გამართვას “მაიმუნის ყვავილის” განსახილველად: უკვე რეგისტრირებულია 100-ზე მეტი შემთხვევაა.

ინფორმაციას Reuters წყაროზე დაყრდნობით ავრცელებს.

შეხვედრაში მონაწილეობას მიიღებს STAG-IH ჯგუფი, რომელიც კონსულტაციებს უწევს ჯანმო-ს ინფექციურ რისკებზე, რომლებმაც შეიძლება საფრთხე შეუქმნას გლობალურ ჯანმრთელობას. მასში შედიან მეცნიერები მთელი მსოფლიოდან, ჯგუფს ხელმძღვანელობს დევიდ ჰეიმანი, ლონდონის ჰიგიენისა და ტროპიკული მედიცინის სკოლის ეპიდემიოლოგიის პროფესორი.

უფრო ადრე, ჯანდაცვის მსოფლიო ორგანიზაციის წარმომადგენელმა ჟენევაში გამართულ ბრიფინგზე განაცხადა, რომ მიმდინარეობს მუშაობა ინფორმაციის გაზიარებისა და ტექნიკური შეხვედრების ორგანიზებაზე “მაიმუნის ყვავილის” ეპიდემიასთან დაკავშირებით.

ჯანმო-ს ოფიციალურ ვებგვერდზე არსებული ინფორმაციით, ორგანიზაციას ახალი დაავადების შესახებ პირველად 7 მაისს აცნობეს – მას შემდეგ რაც შემდეგ დიდ ბრიტანეთში ყვავილით დაავადებული ადამიანი ჩავიდა. მას შემდეგ დაავადების ახალი შემთხვევები სხვა ქვეყნებშიც დაფიქსირდა

რა არის “მაიმუნის ყვავილი”?
ამ ტიპის “ყვავილი”, ჩვეულებრივის მსგავსად, ორთოპოქსვირუსების ჯგუფს მიეკუთვნება. ეს არის იშვიათი ზოონოზური ვირუსული დაავადება, რომელიც ადამიანზე გადადის ცხოველებიდან, სავარაუდოდ, მღრღნელებიდან და პრიმატებიდან. ის ძირითადად გვხვდება ცენტრალური და დასავლეთ აფრიკის ცალკეულ რაიონებში, ანუ ტროპიკულ ტყეებთან ახლოს. “მაიმუნის ყვავილის” საწინააღმდეგო ვაქცინა ან წამალი არ არსებობს, მაგრამ ექიმების თქმით, ჩუტყვავილას საწინააღმდეგო რეგულარული ვაქცინაცია ამცირებს “მაიმუნის ყვავილის” რისკს.

“მაიმუნის ყვავილის” სამი ძირითადი სიმპტომია: ცხელება; დამახასიათებელი გამონაყარი სხეულზე; ბუშტუკები.
უმეტეს შემთხვევაში, დაავადება მსუბუქია და რამდენიმე კვირაში თავისთავად ქრება. ზოგჯერ აღინიშნება დაავადების მძიმე მიმდინარეობაც, სადაც სიკვდილიანობის პროცენტული მაჩვენებელი 1-დან 15%-მდე მერყეობს, ბავშვები ყველაზე რთულად იტანენ ამ დაავადებას.

მაიმუნის ყვავილი გადაეცემა კონტაქტით და ჰაერწვეთოვანი გზით, მაგრამ არ არის ისეთი გადამდები, როგორც იგივე Covid-19. ინფექცია მოითხოვს მჭიდრო კონტაქტს ავადმყოფ ადამიანთან.

წყარო: unian.net