“ლივერპულმა” მიაღწია შეთანხმებას გიორგი მამარდაშვილის ტრანსფერზე, სამუშაო ნებართვისა და საერთაშორისო ნებართვის მიღების პირობით. “ვალენსიას” მეკარე 2025-26 წლების სეზონის წინ “ენფილდზე” გადადის. ინფორმაცია ამის შესახებ “ლივერპულის” ოფიციალურ გვერდზე ვრცელდება.
გავრცელებული ინფორმაციით, „წითლებმა“ 23 წლის ფეხბურთელის კონტრაქტი შეათანხმეს, რომლითაც ის დარჩება ესპანეთში მიმდინარე სეზონის დარჩენილი პერიოდის განმავლობაში, სანამ მომავალ ზაფხულს მერსისაიდში გადავა.
მერსისაიდელები მამარდაშვილით განსაკუთრებით ევრო 2024-ზე საქართველოს ნაკრების შემადგენლობაშ შთამბეჭდავი ასპარეზობის გამო დაინტერესდნენ.
გამოცემა წერს, რომ მისი 21 სეივი ჯგუფური ეტაპის სამი მატჩში იყო ყველაზე დიდი შედეგი მეკარეთა შორის ტურნირების ისტორიაში. მეკარე, რომელსაც ქვეყნის ნაკრების შემადგენლობაში 21 მატჩი აქვს ჩატარებული, კიდევ ერთ სეზონს გაატარებს ვალენსიაში, სადაც 2021 წელს დინამოდან გადმოსვლის შემდეგ სამი წელია იმყოფება. ამ დროისთვის მამარდაშვილმა ლა ლიგის შემადგენლობაში 102 მატჩი ჩაატარა და 31 მატჩში კარი უგოლოდ შეინახა.
Loading ...
