საფეხბურთო ფორმები MADE IN GEORGIA წარწერით საქართველოში არაერთი საფეხბურთო გუნდისთვის იკერება. ამის შესახებ BMG-ს სამკერვალო ფაბრიკა “აჭარა ტექსტილის“ დირექტორმა, გია ლომინაძემ უთხრა.
მისი განცხადებით, კომპანიამ გასულ წელს ყველაზე მეტი, 1 მილიონი ერთეულის შეკერვაზე, შეკვეთა ლივერპულისგან მიიღო.
„ბარსელონას გარდა, ალბათ ყველა კლუბისთვის შევკერეთ. შევკერეთ: ლივერპულის, ჩელსის, რეალ მადრიდის, დორტმუნდის, არსენალის, ბაიერნის და ა.შ. გასულ წელს ყველაზე დიდი შეკვეთა ლივერპულზე გვქონდა, 1 მილიონი ცალი, დანარჩენებზე 200 000-დან 500 000-მდე. მიდის ახლაც პროცესი“,- ამბობს გია ლომინაძე.
“აჭარა ტექსტილი” თანამშრომლობს ისეთ გლობალური ბრენდებთან, როგორებიცაა: Nike, Puma, Adidas და ა.შ.
“აჭარა ტექსტილი” 2008 წელს თურქულმა აჯეკა ჰოლდინგმა დააფუძნა. კომპანია ჯამში 4 500 ადამიანს ასაქმებს. მისი ნაწილია სამკერვალო საწარმო რუსთავში, “ქართლი ტექსტილი”, რომლის მშენებლობისთვის 2020 წელს, 20 მილიონი ლარის ინვესტიცია განხორციელდა, საიდანაც 10 მილიონი ლარი „აწარმოე საქართველოში“ პროგრამის ფარგლებში აღებული სესხია.
www.bm.ge
Loading ...
