ხანგრძლივი ავადმყოფობის შემდეგ ცნობილი პედაგოგი ლიანა იმედაშვილი გარდაიცვალა. ლიანა იმედაშვილი მრავალი ათეული წლის მანძილზე ხელმძღვანელობდა ოზურგეთის მეორე საჯარო სკოლას. იყო წარმატებული მენეჯერი, დამსახურებული პედაგოგი და არაერთი ჯილდოს მფლობელი. ლიანა იმედაშვილი მეორე საჯარო სკოლის ყველაზე ცნობილი ხელმძღვანელი იყო. მას “დირექტორთა დირექტორს” უწოდებდნენ. სიცოცხლის ბოლომდე ლიანა იმედაშვილი მოსწავლეთა მრავალი თაობისთვის გამორჩეულად ავტორიტეტულ ფიგურად რჩებოდა. ცნობილი პედაგოგი საკუთარ სახლში 82 წლის ასაკში გარდაიცვალა. პანაშვიდი გაიმართება 19 აგვისტოს, ხოლო დაკრძალვა 20 აგვისტოს. მისამართი: ოზურგეთი, კლდიაშვილის 26. “გურიაTV” მწუხარებას გამოთქვამს მისი გარდაცვალების გამო და უსამძიმრებს ოჯახს, მეორე საჯარო სკოლას, პედაგოგებსა და მოსწავლეებს.
კომენტარები
Loading ...