თბილისის საქალაქო სასამართლომ განიხილა 29 ნოემბერს ეროვნულ ბიბლიოთეკასთან გამართულ დემონსტრაციაზე დაკავებული „ლეიბორისტული პარტიის“ წევრის, ლაშა ჩხარტიშვილის საქმე.
მოსამართლის გადაწყვეტილებით, ჩხარტიშვილს 8-დღიანი ადმინისტრაციული პატიმრობა შეუფარდეს. დაცვის მხარე მიიჩნევს, რომ ჩხარტიშვილს პოლიციისთვის წინააღმდეგობა არ გაუწევია და გადაწყვეტილების გასაჩივრებას აპირებს.
ლაშა ჩხარტიშვილი მოსამართლე ვალერიანე ფილიშვილმა ლაშა ჩხარტიშვილი სასამართლოს შეურაცხყოფისთვის 300 ლარითაც დააჯარიმა და თავისი სასამართლოს სხდომიდან გააძევა.
ეროვნულ ბიბლიოთეკასთან მიმდინარე დემონსტრაციაზე სულ 6 პირი დააკავეს.
პარლამენტის შენობის წინ მიმდინარე აქციიდან ოპოზიციის წარმომადგენლებმა და სამოქალაქო აქტივისტებმა ეროვნული ბიბლიოთეკის მიმდებარე ტერიტორიაზე მას შემდეგ გადაინაცვლეს, რაც შეიტყვეს, რომ ბიბლიოთეკაში მიმდინარე ღონისძიებას იუსტიციის მინისტრი, ვიცე-პრემიერი თეა წულუკიანი ესწრებოდა.
www.radiotavisupleba.ge
Loading ...