ლანჩხუთის “გურიამ” სტუმრად ფრე ითამაშა

საქართველოს საფეხბურთო ჩემპიონატის მესამე ლიგაში მეცხრე ტურის მატჩები გაიმართა.

ლანჩხუთის „გურია“ სტუმრად  ლიგის ერთ-ერთ ლიდერს, “თბილისი 2025”-ს შეხვდა. მატჩი საკმაოდ დაძაბული გამოდგა.  ლანჩხუთელები მე-40 წუთზე დაწინაურდნენ, გოლი თორნიკე კაპანაძემ გაიტანა. თუმცა მასპინძლებმა მალევე, სამ წუთში გაათანაბრეს.

ამის შემდეგ ანგარიში არ შეცვლილა, საბოლოოდ ფრე 1-1.

ცხრა მატჩის შემდეგ ლანჩხუთელებს 18  ქულა აქვთ და სატურნირო ცხრილში კვლავ, მესამე  ადგილზე იმყოფებიან.

მორიგ შეხვედრას “გურია” საკუთარ მოედანზე 7 მაისს გამართავს და ხობის “კოლხეთს” შეხვდება.