ბულგარეთმა, ჩრილოეთმა მაკედონიამ და მონტენეგრომ ცა დაუხურეს რუსეთის საგარეო საქმეთა მინისტრის, სერგეი ლავროვის თვითმფრინავს, ეს განხორციელდა მინისტრის ბელგრადში ვიზიტის წინ, რომელიც 6-7 ივნისს უნდა გაიმართოს – იუწყება სერბეთში გამომავალი “ვეჩერნიე ნოვოსტი” და აქვეყნებს ასლს დოკუმენტისა, რომელიც მონტენეგროს ხელისუფლების თავისი ბეჭდით კრძალავს რეისის ფრენას.
ეს ინფორმაცია ოფიციალურად დადასტურებული არ არის. მოსკოვი და ბელგრადი მედიაში გამოქვეყნებულ ცნობაზე კომენტარს არ აკეთებენ.
გამოცემა ყურადღებას ამახვილებს იმ გარემოებაზე, რომ მიმდინარე კვირაში სერბეთის პრეზიდენტმა, ალექსანდარ ვუჩიჩმა საჯაროდ ილაპარაკა ლავროვის ვიზიტთან დაკავშირებულ ლოგისტიკურ სირთულეებზე. 6 ივნისს ვუჩიჩმა შეხვედრა გამართა ბელგრადში რუსეთის ელჩთან, ალექსანდრ ბოკან-ხარჩენკოსთან.
Loading ...