ნატოსა და ევროკავშირის შესახებ საინფორმაციო ცენტრმა ეთნიკური უმცირესობებით მჭიდროდ დასახლებული ქვემო ქართლის, სამცხე-ჯავახეთისა და კახეთის რეგიონის სტუდენტებისთვის თბილისში მორიგი კულტურულ-საგანმანათლებლო ვიზიტი გამართა.
ორდღიანი კულტურულ-საგანმანათლებლო ტურის ფარგლებში სტუდენტებმა საქართველოს ევროპული და ევრო-ატლანტიკური ინტეგრაციის საკითხებზე მიიღეს ინფორმაცია.
კულტურულ-საგანმანათლებლო ვიზიტის ფარგლებში მონაწილეებს საქართველოს ევროპული ინტეგრაციის პროცესსა და სამომავლო პერსპექტივებზე, ევროკავშირი-საქართველოს ერთობლივ პროექტებსა და კანდიდატის სტატუსის მისაღებად გადასადგმელ სამომავლო ნაბიჯებზე საგარეო საქმეთა სამინისტროს ევროკავშირის დახმარების კოორდინაციის და სექტორული ინტეგრაციის დეპარტამენტის დირექტორი დავით ბუჯიაშილი ესაუბრა. ტურის ფარგლებში მონაწილეებმა ასევე მიიღეს ინფორმაცია დეზინფორმაციასთან ბრძოლის პროცესში მედიაწიგნიერების მნიშვნელობაზე.
ტურები ამერიკის შეერთებული შტატების სახელმწიფო დეპარტამენტის მიერ დაფინანსებული პროექტის „საზოგადოების ინფორმირებულობისა და მედეგობის გაზრდა“ ფარგლებში იმართება.
Loading ...