ევროკავშირის წარმომადგენლობის ოფისში, ევროსაბჭოს პრეზიდენტის შარლ მიშელის სპეციალური წარმომადგენელი საქართველოში კრისტიან დანიელსონი “ქართული ოცნების” წარმომადგენლებს ხვდება.
შეხვედრას მმართველი გუნდიდან “ქართული ოცნების” თავმჯდომარე ირაკლი კობახიძე, პარლამენტის თავმჯდომარე არჩილ თალაკვაძე და საპარლამენტო უმრავლესობის წევრი შალვა პაპუაშვილი ესწრებიან.
მათ შეხვედრის დაწყებამდე მედიასთან კომენტრი არ გაუკეთებიათ.
ამასთან, დღეს 15:00 საათზე კრისტიან დანიელსონისა და “ნაციონალური მოძრაობის” შეხვედრაცაა დაგეგმილი.
ცნობისთვის, ევროპული საბჭოს პრეზიდენტის შარლ მიშელის პირადი წარმომადგენელი კრისტიან დანიელსონი საქართველოში 27 მარტს, გვიან ღამით ჩამოვიდა. დანიელსონი 28 მარტს უკვე შეხვდა საქართველოში არასამთავრობო სექტორის წარმომადგენლებს. პოლიტიკური პარტიების ლიდერებთან მედიაციის პროცესი კი, დღეიდან განაახლა.
Loading ...
