37 წლის კაპიტან-ლეიტენანტი ვალერი კრივოროგი კრეისერ „მოსკვაზე“ დაიღუპა, რომელიც აპრილში შავ ზღვაში ჩაიძირა – იუწყება “სააგენტო” სამ ინკოგნიტო წყაროზე დაყრდნობით.
დაკარგულის მამა არის კონტრადმირალი ოლეგ კრივოროგი, შავი ზღვის ფლოტის წყალზედა გემების 30-ე დივიზიის მეთაური, რომელშიც შედიოდა კრეისერი “მოსკვა”.
“სააგენტოს” წყაროების თქმით, გემის ჩაძირვის შემდეგ ვალერი კრივოროგი დაკარგულად ითვლება. ბოლოს ის V Kontakte-ზე გამოჩნდა 9 აპრილს, კრეისერ „მოსკვას“ ჩაძირვამდე ხუთი დღით ადრე.
შავი ზღვის ფლოტის პრესსამსახურში ჟურნალისტების კითხვებს არ უპასუხეს – „და ყურმილი დაკიდეს“, – აღნიშნავს “სააგენტო”.
კრეისერი Moskva 13 აპრილს ჩაიძირა. რუსეთის ფედერაციის თავდაცვის სამინისტრომ რამდენიმე დღე არ აღიარა, რომ ეკიპაჟს შორის იყო მსხვერპლი, შემდეგ დაადასტურა ერთი სამხედრო მოსამსახურის გარდაცვალება, კიდევ 27 ადამიანი “დაკარგულად” გამოცხადდა. „მოსკვას“ ეკიპაჟის ზოგიერთი წევრის ახლობლებმა, რომელთა შორის იყვნენ წვევამდელები, გემის დაღუპვიდან სამი თვის შემდეგ მათი ბედის შესახებ ჯერ კიდევ არაფერი იციან.
წყარო: meduza.io
Loading ...
