არასამთავრობო ორგანიზაცია momxmarebeli.ge აცხადებს, რომ თბილისის სხვადასხვა მაღაზიაში შეძენილი კოსმეტიკური საშუალების 35 სახეობიდან, 5 ნიმუშში მავნე ნივთიერებები აღმოჩნდა. მათივე განმარტებით, აღმოჩენილი პარაბენების გამოყენება აკრძალულია ევროკავშირში გასაყიდ პარფიუმერიულ-კოსმეტიკურ ნაწარმში.
35 დასახელების პარფიუმერიულ-კოსმეტიკური საშუალებების ნიმუშები საფრანგეთის ლაბორატორიაში (ევროფინსი) გამოიკვლიეს, ზოგიერთი საფრთხის შემცველი ნივთიერების – პარაბენების (34 ნიმუში), სხვა კონსერვანტებისა (2 ნიმუში) და ბარიუმის (3 ნიმუში) შემცველობაზე შესამოწმებლად.
momxmarebeli.ge-ს მიერ გამოქვეყნებული შედეგებით, მავნე ნივეთიერება აღმოჩნდა შემდეგ პროდუქტებში:
- L’Oreal Co — ნაოჭების საწინააღმდეგო საცხი Garnier;
- Quimi Romar S.L.U — ქერტლის საწინააღმდეგო შამპუნი Amalfy;
- Distr. By/par Procter&Gamble, Cincinati — თმის საღებავი CLAIROL;
- Orkide Cosmetics — ფრჩხილის ლაქი Olivia;
- Bell Cosmetics — თხევადი ტუჩსაცხი MAT 104 Seville, Manceline.
კომენტარები
Loading ...
