კორონავირუსი „ენგურჰესის“ კიდევ 24 თანამშრომელს დაუდასტურდა

კორონავირუსი „ენგურჰესის“ კიდევ 24 თანამშრომელს დაუდასტურდა. ამის შესახებ „ინტერპრენსიუსს“ „ენგურჰესში“ განუცხადეს.

შეგახსენებთ, გუშინ, 10 სექტემბერს ცნობილი გახდა, რომ „ენგურჰესის“ 4 თანამშრომელს კორონავირუსი დაუდასტურდა. შესაბამისად, ამ დროისთვის კორონავირუსით „ენგურჰესის“ 28 თანამშრომელია ინფიცირებული.

მათივე ცნობით, ინფიცირებული თანამშრომლები ონლაინ რეჟიმში მუშაობდნენ და მათ “ენგურჰესის” სხვა თანამშრომლებთან განსაკუთრებული შეხება არ ჰქონიათ. “ამ ფაქტის მიუხედავად, “ენგურჰესის,” როგორც სტრატეგიული ობიექტის ფუნქციონირებას არანაირი საფრთხე არ ემუქრება – ტექნიკური პერსონალი ცვლების მიხედვით არის განაწილებული და ობიექტი ჩვეულ რეჟიმში მუშაობას აგრძელებს”, – აცხადებენ “ენგურჰესში”.