გასული 24 საათის განმავლობაში ოზურგეთში კორონავირუსის 44 ახალი შემთხვევა დაფიქსირდა, რაც საკმაოდ მაღალი მაჩვენებელია.
გასულ დღე-ღამეში ოზურგეთში სულ 290 ტესტი ჩატარდა.
რაც შეეხება სრულ სტატისტიკას – დადასტურებული შემთხვევების ჯამური რაოდენობა შეადგენს – 3061;
აქტიური შემთხვევა არის – 220; მათგან სტაციონარში მკურნალობს 36, საკარანტინე სივრცეშია – 49, ხოლო ბინაზე მკურნალობს 135 პირი.
გამოჯანმრთელებულთა რაოდენობა არის სულ – 2815. სამწუხაროდ გარდაცვლილია – 26 პირი.
რაც შეეხება დადებითობის მაჩვენებელს – ბოლო პერიოდში ქვეყანაში მისი კლების ფონზე, ოზურგეთში დადებითობის ერთ-ერთი ყველაზე მაღალი მაჩვენებელი ფიქსირდება – 15%.