სამი ახალი შემთხვევა გურიის რეგიონში. კოვიდ ინფექცია დაუდასტურდა ერთ ლანჩხუთელ და ორ ჩოხატაურელ პირს. ისინი ამ ეტაპისათვის შესაბამის კოვიდ ცენტრებში არიან გადაყვანილები.მათი კონტაქტების კვლევა კი ამ წუთებშიც მიმდინარეობს.
რაც შეეხება ოზურგეთს, აქ კორონავირუსით დაინფიცირების ახალი შემთხვევა არ დაფიქსირებულა.
ოთხი შემთხვევა დაფიქსირდა გუშინ, აქედან 3 ერთი ოჯახის წევრია, დაინფიცირებულია ამ ოჯახის ერთ წლამდე ბავშვციც. გუშინ კორონავირუსი დაუდგინდა ასევე ოზურგეთელ პაციენტს, სოფელ ვაკიჯვრიდან, რომელიც საეჭვო სიმპტომებით ფოთის კლინიკაში იყო მოთავსებული.
ოზურგეთიდან ერთ-ერთი ინფიცირებული გომის მთაზე იმყოფებოდა, ამიტომ კურორტზე ეპიდემიოლოგები შესაბამის კვლევებს ჩაატარებენ.
“იქაც ჩავატარებთ შესაბამის სამუშაოებს. მიმდინარეობს კონტაქტების მოძიება და ეპიდკვლევა. მუხედავად კორონავირუსის შემთხვევებისა, ვითარება გურიაში კონტროლს ექვემდებარება”- განაცხადა დაავადებათა კონტროლის გურიის განყოფილების უფროსმა, არჩილ მჟავიამ.
კომენტარები
Loading ...
