კოვიდ 19 – ის კიდევ ერთი შემთხვევა ოზურგეთის მუნიციპალიტეტში. ამჟამად მორიგი ინფიცირებული, 62 წლის ქალი დაბა ლაითურის მკვიდრია და ის იმ ჩოხატაურელი ქალის კონტაქტია, რომელსაც ,,კოვიდ 19″ ორი დღის წინ აღმოაჩნდა.
გავრცელებული ინფორმაციით, ლაითურელმა ქალმა ჩოხატაურში მცხოვრებ ინფიცირებულთან ერთად იმგზავრა და ახლობლები არიან.
,,დაბა ლაითურში მიმდინარობს ეპიდემიოლოგიური კვლევა და კონტაქტების დადგენა. ქალი უკვე გადაყვანილია შესაბამისი პროფილის კლინიკაში. რაც შეეხება ჩოხატაურს, სოფელ ქვენობანში მიმდინარეობს მოსახლეობის პისეარ ტესტირება, მუშაობს 5 ჯგუფი. შეიძლება ითქვას, რომ გურიაში ვითარება კონტროლს ექვემდებარება.”- განაცხადა არჩილ მჟავიამ. ეს გურიაში დაფიქსირებული კორონავირუსის მეოთხე შემთხვევაა. პირველი,4 სექტემბერს ჩოხატაურში დაფიქსირდა, როცა ინფექცია 23 წლის ქალს ე. წ.” დონას “კლასტერიდან აღმოაჩნდა.
კომენტარები