კორონავირუსის გამო, ქალაქ ოზურგეთში რამდენიმე კლასი დისტანციურ სწავლებაზე გადავიდა

კორონავირუსის გავრცელების საშიშროების გამო  ოზურგეთის N 1 საჯარო სკოლის მესამე კლასი და ოზურგეთის N2 საჯარო სკოლის მეხუთე კლასი ხვალიდან სწავლების დისტანციურ რეჟიმზე გადავლენ. აღნიშნულის შესახებ ინფორმაცია “გურიაTV”-ს ოზურგეთის საგანმანათლებლო რესურსცენტრის ხელმძღვანელმა, ლელა იმედაშვილმა დაუფასტურა. ხსენებული ორი სკოლის ორ კლასში კორონავირუსი თითო-თითო მოსწავლეს დღეს დაუდასტურდა. თუმცა ბავშვები სიმპტომების გამო სკოლაში გასული კვირის ხუთშაბათიდან არ ყოფილან. რაც შეეხება დანარჩენ სკოლებს, შრომის თემში არსებული სკოლები ონლაინ სწავლებას 16 აპრილს, წმინდა ნინოს სამრევლო სკოლის ორი კლასი კი 19 აპილს დაასრულებს. დისტანციური სწავლების ვადა დღეს გაუვიდათ გაბრიელ ეპისკოპოსის სახელობის სკოლაში ორ კლასს. N 1 და N2 საჯარო სკოლებში მესამე და მეხუთე კლასები დისტანციურ სწავლებაზე ხვალიდან ორი კვირის განმავლობაში, 27 აპრილამდე იქნებიან.