კორონავირუსის გავრცელების საფრთხის გამო ოზურგეთში რამდენიმე სკოლა დისტანციურ რეჟიმზეა გადასული

გართულებული ეპიდსიტუაციის გამო ოზურგეთის მუნიციპალიტეტში ამ დროისთვის სრულად დისტანციურ სწავლებაზე დვაბზუს, ზემო ნატანების, ურეკის, მელექედურისა და ნასაკირალის საჯარო სკოლები არიან გადასულები. აღნიშნულ სკოლებში ვირუსის შემთხვევები ფიქსირდება როგორც პედაგოგებში, ასევე მოსწავლეებში. როგორც ოზურგეთის საგანმანათლებლო რესურსცენტრის უფროსმა ლელა იმედაშვილმა გვითხრა, ჩამოთვლილი ხუთივე სკოლა ონლაინ რეჟიმში ორი კვირის განმავლობაში ისწავლის. რაც შეეხება ჰიბრიდულ სწავლებას, იმედაშვილი თქმით ამ რეჟიმში სასწავლო პროცესი სოფელ მერიაში , ლაითურში, N 1 და N2 საჯარო სკოლებში მიმდინარეობს. სავარაუდოდ ჩამოთვლილ სკოლებს , არსებული ეპიდვითარების გამო სოფელ ცხემლისხიდის საჯარო სკოლაც მიემატება.