გართულებული ეპიდსიტუაციიდან გამომდინარე, რაც ოზურგეთის მუნიციპალიტეტში ბოლო დღეებია შეიმჩნევა, ზემო ნატანებისა და თხინვალის საჯარო სკოლები დისტანციურ სწავლებას დაუბრუნდნენ. მაკვანეთში, ლიხაურში, ცხემლისხიდში, მშვიდობაურსა და ოზურგეთის N3 საჯარო სკოლებში კი სწავლების ჰიბრიდულ რეჟიმზე გადავიდნენ. ოზურგეთის საზოგადოებრივი ჯანდაცვის ცენტრის ეპიდემიელოგი, ელზა სიმონიშვილი სკოლებს, ადმინისტრაციას, პედაგოგებსა და მოსწავლეებს იმ რეკომენდაციების შესრულებას სთხოვს, რომელიც ჯანდაცვის სამინისტროსა და დაავადებათა კონროლის ეროვნული ცენტრის მიერაა შემუშავებული.