კორონავირუსით გარდაცვალების ახალი შემთხვევები საქართველოში

საქართველოში ბოლო 24 საათში კორონავირუსით 53 პაციენტი გარდაიცვალა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე გამოქვეყნდა.

ქვეყანაში ვირუსით გარდაცვლილთა საერთო რაოდენობა 12 519-ს შეადგენს.

ბოლო 24 საათში „კოვიდ-19“ 4 226 პირს დაუდასტურდა, 4 091 პაციენტი გამოჯანმრთელდა.

გუშინ, 7 ნოემბერს საქართველოში კორონავირუსის 4 509 შემთხვევა გამოვლინდა, 4 042 პაციენტი გამოჯანმრთელდა, 59 კი გარდაიცვალა.