კოვიდ19-ის ვაქცინაციის ყალბი საბუთის გასაღების ფაქტზე დაკავებული 7 პირიგაათავისუფლეს.
ინფორმაციას გამოცემა “ლაივპრესი” ავრცელებს.
მთავარ პროკურატურაში “ლაივპრესს” უთხრეს, რომ ისინი გირაოს სანაცვლოდ გათავისუფლდნენ. თუ რა ოდენობის გირაოზეა საუბარი, თბილისის საქალაქო სასამართლოში გადაგვამისამართეს, რომელიც ბრალდებულთა საქმეს განიხილავს. სასამართლოში გვითხრეს, რომ გაგვირკვევდნენ, თუმცა შემდეგ ჩვენს ზარებს და შეტყობინებებს არ უპასუხეს.
სახელმწიფო უსაფრთხოების სამსახურის თანამშრომლებმა ყალბი დოკუმენტის დამზადება-გასაღების ფაქტზე 7 პირი თბილისსა და ზუგდიდში 31 აგვისტოს დააკავეს.
გამოძიების ინფორმაციით, დაკავებულთაგან ოთხმა ბრალდებულმა, 350 ევროს სანაცვლოდ შემდგომი გამოყენებისთვის, საქართველოს მოქალაქეს დაუმზადა და გადასცა კოვიდ 19-ის საწინააღდეგო ფაიზერის ვაქცინით აცრის დამადასტურებელი ყალბი საბუთი, ხოლო სამმა 400 ლარის სანაცვლოდ შემდგომი გამოყენებისათვის, მოქალაქეს დაუმზადა და გადასცა სინოფარმის ვაქცინით აცრის დამადასტურებელი ყალბი საბუთი.
წყარო: “ლაივპრესი” www.livepress.ge
Loading ...