კოალიცია ცვლილებისთვის ერთ-ერთმა ლიდერმა, ზურაბ ჯაფარიძემ განაცხადა, რომ მათმა კოალიცია ხელისუფლების მხრიდან შესაძლო ქიმიური ნივთიერების გამოყენების თაობაზე დოკუმენტაცია და ინფორმაცია შეაგროვა, რომელიც 9 საერთაშორისო სტრუქტურაში უკვე გადაგზავნა. ისინი ამ ორგანიზაციებს სთხოვენ, რომ ამ საკითხთან დაკავშირებით საერთაშორისო საგამოძიებო მექანიზმი შეიქმნას.
“მინდა სიახლე გაგაცნოთ გასული კვირების ერთ-ერთ ყველაზე მნიშვნელოვან თემაზე — ეს არის გასული წლის ნოემბერ-დეკემბერში რეჟიმის მხრიდან ადამიანების სისტემური წამებისა და ქიმიური ნივთიერებით მოწამვლის ფაქტები. უკანასკნელი კვირების განმავლობაში კოალიციამ იმუშავა და შეაგროვა ყველა შესაბამისი დოკუმენტაცია და ინფორმაცია, რომელიც საჭიროა იმისათვის, რომ გადაიგზავნოს იმ საერთაშორისო სტრუქტურებში, სადაც შეიძლება შეიქმნას ამ საკითხთან დაკავშირებით საერთაშორისო საგამოძიებო მექანიზმი. ამ წუთისთვის ჩვენს მიერ მოძიებულია 9 საერთაშორისო სტრუქტურა. ეს დოკუმენტაცია ელექტრონული სახით უკვე გადაგზავნილია ამ სტრუქტურებში, ესენიც ნაწილი დღეს და ნაწილი ხვალ ყველა საერთაშორისო სტრუქტურაში გაიგზავნება. დღეს იგივე საკითხზე ჰქონდათ არასამთავრობო ორგანიზაციების წარმომადგენლებს ბრიფინგიც. ეს ასევე მნიშვნელოვანია, რადგან არსებობს საერთაშორისო სტრუქტურები, სადაც პარტიებს არ აქვთ მანდატი, რომ მიმართონ. ამიტომ, მნიშვნელოვანია, რომ იმ საერთაშორისო სტრუქტურების გამოყენებაც მოხდეს, ოღონდ სამოქალაქო საზოგადოების და არა პარტიების მხრიდან. ჩვენ ვართ მათთან სრულ კოორდინაციაში”, — განაცხადა ზურაბ ჯაფარიძემ.
Loading ...