აშშ-ის პრეზიდენტის ადმინისტრაციაში აცხადებენ, რომ, რეაგირებამდე, აპირებენ ყველა ვითარების გამოკვლევას ამერიკელი ჟურნალისტის უკრაინაში დაღუპვის ფაქტის გარშემო – იტყობინება BBC.
ამერიკელი ჟურნალისტი, ბრენტ რენო 13 მარტს დაიღუპა ქალაქ ირპენში, კიევთნ ახლოს. მასთან ერთად დაიჭრა კიდევ ორი ჟურნალისტი. თავდაპირველად გავრცელდა ინფორმაცია, რომ ის „ნიუ-იორკ ტაიმსის“ (NYT) თანამშრომელი იყო. თუმცა ეს ფაქტი უარყო გამოცემის რედაქტორის მოადგილემ, კლიფ ლევიმ.
.@nytimes is deeply saddened to learn of the death of an American journalist in Ukraine, Brent Renaud.
Brent was a talented photographer and filmmaker, but he was not on assignment for @nytimes in Ukraine.
Full statement is here. pic.twitter.com/bRcrnNDacQ— Cliff Levy (@cliffordlevy) March 13, 2022
„ღრმად ვართ დამწუხრებული უკრაინაში ამერიკელი ჟურნალისტის, ბრენტ რენოს დაღუპვის გამო. ბრენტი იყო ნიჭიერი ფოტოგრაფი და რეჟისორი. თუმცა ის არ იყო გაშვებული უკრაინაში „ნიუ-იორკ ტაიმსის“ დავალებით“, – აცხადებს ლევი.
მისი ინფორმაციით, NYT-ის მიერ მის სახელზე გაცემულ ჟურნალისტის მოწმობას, რომელიც 13 მატს მედიამ გამოაქვეყნა, მოქმედების ვადა დიდი ხნის წინ ამოეწურა და ბრენტ რენოს NYT-თან შეხება არ ჰქონია 2015 წლის შემდეგ.
ჯერჯერობით არ არის დადგენილი, უკრაინაში ის რომელიმე მედიასაშუალებას წარმოადგენდა, თუ საკუთარი ინიციატივით მუშაობდა როგორც ჟურნალისტი ან კინორეჟისორი.
გავრცელებული ინფორმაციით, ბრენტ რენო რუსი სამხედროების თავდასხმას ემსხვერპლა. ეს არის ჟურნალისტის დაღუპვის პირველი შემთხვევა რუსეთ-უკრაინის ომში.
რუსეთი უკრაინაში 24 თებერვალს შეიჭრა. ამას წინ უძღოდა პრეზიდენტ პუტინის მიერ უკრაინის ორი სეპარატისტული რეგიონის, დონეცკისა და ლუგანსკის ე.წ. დამოუკიდებელ ქვეყნებად აღიარება.
რუსი სამხედროები უმოწყალოდ ბომბავენ საცხოვრებელ კორპუსებს, საავადმყოფოებსა თუ სამშობიარო სახლებს. უკრაინის ხელისუფლების ბოლო ინფორმაციით, დაღუპული ბავშვების რიცხვმა უკვე 85-ს მიაღწია. ომმა, ორივე მხარეს, უკვე იმსხვერპლა ათასობით ადამიანის სიცოცხლე.
www.radiotavisupleba.ge
Loading ...