კიევზე დღევანდელი დარტყმა, რის შედეგადაც მშვიდობიანი მოქალაქეები დაშავდნენ, განხორციელდა რუსეთის ფედერაციის ყველაზე ზუსტი და ძვირადღირებული რაკეტებით კასპიის ზღვის რეგიონიდან.
ამის შესახებ უკრაინის შეიარაღებული ძალების საჰაერო ძალების სპიკერმა იური იგნატმა სრულიად უკრაინის ტელემარათონის ეთერში განაცხადა.
მისი თქმით, კიევის რეგიონზე დღევანდელი თავდასხმისთვის მტერმა გამოიყენა სტრატეგიული ავიაცია კასპიის ზღვის რეგიონებიდან.
„ისინი ფრინდებიან ასტრახანის რეგიონიდან, ისინი ძირითად შეიარაღებულნი არიან რაკეტებით X-101, რომლებიც ჩვენკენ იქნა გაშვებული. ამ რაკეტებს შეუძლია ფრენა 5500 კილომეტრის მანძილზე. ანუ, მათთვის არაა სავალდებულო შემოფრინდნენ უკრაინის ტერიტორიაზე, საკმარისია აფრინდნენ ჰაერში, დაიკავონ მიმართული საბრძოლო მიმართულება და გაუშვან რაკეტა”, – თქვა მან.
იგნატმა თქვა, რომ დღეს 4-დან 6-მდე რაკეტა იყო გასროლილი, მათგან ორი ჩამოაგდეს საჰაერო თავდაცვის ძალებმა. მან განმარტა, რომ X-101 რაკეტა არის ყველაზე მაღალი სიზუსტის და ყველაზე ძვირადღირებული რაკეტა რუსეთის ფედერაციაში.
სპიკერი მიიჩნევს, რომ მტერს ბევრი რაკეტა აქვს შეიარაღებაში, მაგრამ უკვე მათი ეკონომიის საჭიროება არსებობს.
Loading ...