კვლევა – „ფაიზერის“ და „ასტრაზენეკას“ ვაქცინების ორი დოზა კორონავირუსის „დელტა“ შტამის წინააღმდეგ ეფექტურია

New England Journal of Medicine-ში გამოქვეყნებული ახალი კვლევის მიხედვით, „ფაიზერისა“ და „ასტრაზენეკას“ კორონავირუსის საწინააღმდეგო ვაქცინების ორი დოზა „დელტა“ ვარიანტის წინააღმდეგ ეფექტურია.

ახალი კვლევის თანახმად, „ბიონტექ/ფაიზერისა“ და „ასტრაზენეკას“ ვაქცინების ორი დოზა თითქმის ისეთივე ეფექტურია კორონავირუსის „დელტა“ ვარიანტის წინააღმდეგ, როგორც „ალფა“ შტამის მიმართ.

გამოქვეყნებული კვლევის მიხედვით, „ფაიზერის“ ვაქცინის ორი დოზა 88%-ით ეფექტურია „დელტა“ შტამის წინააღმდეგ, „ალფა“ ვარიანტის შემთხვევაში, მისი ეფექტურობა 93.7%-ია, ხოლო „ასტრაზენეკას“ ვაქცინამ 67%-იანი ეფექტურობა აჩვენა „დელტა“ ვარიანტის, 74.5%-იანი ეფექტურობა კი, „ალფა“ შტამის წინააღმდეგ.