პრეზიდენტს დღეს ჰქონდა ძალიან ნათელი, ძლიერი მესიჯი. ვფიქრობ, მისი გამოსვლა იყო შესანიშნავი, – ამის შესახებ საქართველოში ამერიკის შეერთებული შტატების ელჩმა კელი დეგნანმა მედიას განუცხადა. ამით ელჩი გამოეხმაურა საქართველოს პარლამენტში პრეზიდენტ სალომე ზურაბიშვილის მიერ გაკეთებულ განცხადებებს.
“მან ხაზგასმით აღნიშნა ერთიანობის მნიშვნელობა – საქართველოს მთავრობისა და ოპოზიციის ერთიანობა, მთავრობისა და ქართველი ხალხის ერთიანობა. საქართველოს აქვს ომის ტრაგედიის იგივე გამოცდილება, რაც არც ისე დიდი ხნის წინ მოხდა. ომის ნაიარევები ჯერ კიდევ ახალია. ამის გამოვლინებას ვხედავთ ქართველი ხალხის მხარდაჭერაში”, – განაცხადა დეგნანმა.
დიპლომატის თქმით, საქართველოს პრეზიდენტის მოწოდება ერთიანობის შესახებ ძალიან დროული და საჭიროა.
“პრეზიდენტის გამოსვლა გამოხატავდა ამ სურვილს, რომ დაეხმარონ უკრაინას და ამასთან დასტაბილურდეს ვითარება მთელს რეგიონში და გაერთიანდეს ქვეყანა თანამშრომლობის, კომპრომისასა და დიალოგის გზით. როდესაც მან თქვა „ძალა ერთობაშია“ აბსოლუტურად მართალი იყო“, – აღნიშნა მან.
Loading ...