გურჯაანის მუნიციპალიტეტში, სოფელ ვაჩნაძიანთან ავტოსაგზაო შემთხვევა მოხდა. არსებული ინფორმაციით, ავტომობილი, რომელშიც ხუთი ადამიანი იმყოფებოდა, ტრაილერს შეეჯახა. ხუთივე პირი კლინიკაში გადაიყვანეს.
კლინიკის ხელმძღვანელის, გიორგი შათირიშვილის ინფორმაციით, სამ მათგანს სიცოცხლისთვის შეუთავსებელი ტრავმები არ აღენიშნება. ერთს კი გადაუდებელი ოპერაცია ჩაუტარდა. მეხუთე დაშავებული თელავის რაიონულ საავადმყოფოში გადაიყვანეს.
ადგილობრივების ინფორმაციით, მსუბუქი ავტომობილი ე.წ. ბოლო ზარის კოლონას მიჰყვებოდა, თუმცა მასში მყოფი პირები მე-12 კლასელები არ ყოფილან.
ავტოსაგზაო შემთხვევის გამო, წინანდლიდან სოფელ ვაჩნაძიანის მიმართულებით მოძრაობა შეფერხებული იყო.
კომენტარები
Loading ...