ლაგოდეხში პედაგოგი ქალი ცეცხლსასროლი იარაღით დაჭრეს.
ინფორმაციას “მთავარი ამბები კახეთიდან” ავრცელებს. მათივე ცნობით, შემთხვევა გვიან ღამით მოხდა. გავრცელებული ინფორმაციით, ქალის საცხოვრებელ სახლთან მისთვის უცნობმა პირმა დაიძახა, რის შემდეგაც ცეცხლი გახსნა. გამოცემის ცნობით, მასწავლებელს 2 ცეცხლნასროლი ჭრილობა აღენიშნება. მას დაზიანებები თავისა და მუცლის არეში აქვს მიყენებული. დაჭრილი თავდაპირველად ლაგოდეხის კლინიკაში, მოგვიანებით კი ჯანმრთელობის მდგომარეობის სირთულის გამო, თბილისში გადაიყვანეს.
“მთავარი ამბები კახეთიდან” ადგილობრივებზე დაყრდნობით წერს, რომ თავდამსხმელი, სავარაუდოდ, პედაგოგის შვილის გამო მივიდა, თუმცა შემთხვევის დროს ახალგაზრდა კაცი სახლში არ იმყოფებოდა. სოფელში ვარაუდობენ, რომ შესაძლო სამიზნე სწორედ ის იყო. გამოცემის ინფორმაციით, ფაქტზე დაკავებულია სოფელ ცოდნისკარში მცხოვრები კაცი.
Loading ...