კახა კალაძე – ყველაზე მეტი „ტროლი“ და „ბოტი“ არის „ნაციონალური მოძრაობა“ და მისი შენაერთები

ყველაზე მეტი „ტროლი“ და „ბოტი“ ეს არის „ნაციონალური მოძრაობა“ და მისი შენაერთები, – ასე უპასუხა დედაქალაქის მერმა კახა კალაძემ ჟურნალისტების შეკითხვას, რომელიც „ფეისბუკის“ მიერ ხელისუფლებასთან კავშირში მყოფი ასობით ყალბი გვერდისა და ანგარიშის გაუქმებას შეეხებოდა.

მისივე თქმით, „ფეისბუკი“ თავისუფალი სივრცეა და საკუთარი შეხედულებების გამოხატვა ნებისმიერ ადამიანს შეუძლია.

„რისი გამოძიება უნდა დაიწყოს. „ფეისბუკი“ არის თავისუფალი სივრცე, ცენზურას ვუწესებთ „ფეისბუკს“? ნებისმიერ ადამიანს შეუძლია გამოხატოს თავისი შეხედულება ამ თუ იმ თუ ფორმით. „ფეისბუკი“ არის თავისუფალი სივრცე და ვერც „ნაციონალური მოძრაობა“ და ვერც მისი დანაყოფები ვერ შეზღუდავს მას,“ – განაცხადა კალაძემ.