კახა კალაძე – ლევან ხაბეიშვილი, საკრებულოს ნომერ პირველი ჯამბაზი, ირაკლი ნადირაძემ ჩაანაცვლა – მივცეთ იმის შესაძლებლობა, რომ გავერთოთ

ლევან ხაბეიშვილი, საკრებულოს ნომერ პირველი ჯამბაზი, ირაკლი ნადირაძემ ჩაანაცვლა – მივცეთ იმის შესაძლებლობა, რომ გავერთოთ, – ასე მიმართა თბილისის მერმა, კახა კალაძემ დედაქალაქის საკრებულოს სხდომაზე „ერთიანი ნაციონალური მოძრაობის“ წევრ ირაკლი ნადირაძეს.

კითხვა-პასუხის რეჟიმში, ნადირაძის კითხვას კალაძის რეპლიკა მოჰყვა, რომელმაც სხდომაზე მიმდინარე პროცესს „კარგი მოცემულობა“ უწოდა.

„ჩვენ გვაქვს ძალიან კარგი მოცემულობა. ლევან ხაბეიშვილი, საკრებულოს ნომერ პირველი ჯამბაზი, ჩაანაცვლა ირაკლი ნადირაძემ. ასე რომ, მივცეთ იმის შესაძლებლობა და საშუალება, რომ გავერთოთ“, – მიმართა კალაძემ ნადირაძეს.