კახა კალაძე – „ენდიაის“ კვლევა არის მიზანმიმართული პოლიტიკური მანიპულაცია, რომ საზოგადოება შეიყვანონ შეცდომაში, თუმცა არაფერი გამოუვათ

„ენდიაის“ კვლევა არის მიზანმიმართული პოლიტიკური მანიპულაცია, რომ საზოგადოება გარკვეულწილად შეიყვანონ შეცდომაში, თუმცა არავის არაფერი გამოუვა, – ამის შესახებ დედაქალაქის მერმა, კახა კალაძემ განახცადა.

„ჩვენ კარგად ვხედავთ, სტატისტიკაც შესაძლებელია ამოვიღოთ და ვნახოთ, როგორი კვლევები ქვეყნდებოდა 2012 წლამდე, 2012 წლის მერე და რა შედეგები იდებოდა. შესაბამისად, ანალიზის გაკეთება ძალიან მარტივია. ჩემი რეიტინგს რაც შეეხება, მე კიდევ ერთხელ ვიმეორებ, ძალიან კარგად ვიცი ხალხის დამოკიდებულება ჩემ მიმართ, ჩემი პარტიის მიმართ. ასე რომ, ძალიან კარგად გვაქვს ჩვენ ეს ურთიერთობები საზოგადოებასთან აწყობილი და მომავალშიც ვაპირებთ გავაგრძელოთ. ამ კვლევაში როგორც უნდათ ისე დაწერენ ციფრებს, მათ ამის პრობლემა არ აქვთ“,- განაცხადა კალაძემ.

ეროვნულ-დემოკრატიული ინსტიტუტის (NDI)კვლევის მიხევდით, გამოკითხულთა 31 პროცენტი დედაქალაქის მერის, კახა კალაძის საქმიანობას კარგად აფასებს, 32 პროცენტი საშუალოდ, ხოლო 16 პროცენტი ცუდად.